ghadeel:

Find what you love and let it kill you

  • 1- أنت جاي الدُنيا تتعب .. متشتكيش
  • 2- الموت حق .. كلنا هنموت .. الفراق صعب .. بس كلنا هنموت وهنفارق بعض .. متزعلش
  • 3- محدش نجح فى الدنيا يصل لـحد الاكتمال .. متحاولش
  • 4- الدٌنيا باب ضيق أوي ، لو دخلت مش هتعرف تخرج .. فـ تأقلم و متخرجش
  • 5- الظروف والمكانات عمرها ما ثبتت ، تحت أوي فـ لحظة هتبقى فوق ، فوق أوي فى لحظة هتبقى تحت .. متأمنش
  • 6- انت هنا بتتعامل مع أشخاص مختلفه ، انسى تقابل شخصين متشابهين تمام التشابه ، أعرف ازاي تعامل الكل ، متجمّعش
  • 7- العقل معمول ليه ؟ للتفكير مش للحفظ والتخزين .. متقلدش
  • 8- الدُنيا دار فتنه ، كل حاجه هتفتنك وتحاول تشدك لإدمانها .. عشان كده خليك خفيف و متطوّلش
  • 9- الحُب غبي .. مبيتصرفش لوحده ، طينه أنت اللي بتشكلها .. وأنت حر بقى في أختيارك بين السعاده والتعاسه .. متتغباش ..
  • 10- هدفّك مراوغ ، هيطلع عينك عشان توصلّه ، وهيشتتك بكل الطرق .. ركز ومتتشتتش

 

 

لف الشوارع .اتوه في المدينه .اضيع في المواجع وفي دموعي الحزينه 

 

وفى كل الشوارع لا ضاعت مواجع ولا هديت عيون ولا عاد اللى راجع

ببتعد ماعرفش او باقترب

ببتعد ماعرفش او باقترب

(Source: gueessam)

ممكن

ممكن

   دى صور من  حياتى في ايام الامتحانات

اسكن بيوت الفرح

——————-(م)———————
ماسبيرو أخطر م الرصاص و القصر
ملّى عنيك بالدم…قبل الطلوع قدام
ما تسيبش جيشك تِقسمه الأعلام
مش كل مين جنبك….جواه بيهتف مصر

———————(ا)———————-
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك … أو ما تضربشى
إرجع بضهرك … أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان



———————(ن)———————
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك……..و إقطعله إيد

———————(ي)———————
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف… رَّجاً بممن يَهتِفه
- يؤتَى الجدع… قلبا بمما إتجَدعنُه

———————(ف)———————
فّرق ما بين….الجرأة و القلب الحديد… و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت….غمض إذا نظرك خدع
فرّغ عياطك ع الصحاب… دم و خميرة… مش بكا

———————(س)———————

سمى الحاجات دى بإسمها…الكدب… و الخوف… و الخيانة
سجادة المسامير… تتحط ع الناصية …غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة

———————(ت)———————
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة….شوف مين من الآخر دفع….لو زيهم… إدفع
تلت الرصاص نحو العدو… .تلتينه للخاين..الطعنة جاية من هنا مش من هناك
تعب النهاردة غير تعب بكرة….الوقت مش دايما معاك.
تحتك فيه ناس عاوزة الأمل…مش عاوزه؟… سيبهولهم

———————( و )———————
وسّع الجبهة لو إنتوا كتير… و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة…حتى لو فاهمين غلط…فيه ناس كتير متلخبطة …إكسب عدد ….و إكسب غطا
وزع عيونك فوق و تحت….و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب…لو سابوا خليك انتا آخر حد ساب
واحد بيفرق ف العدد جدا
- و عشان كده…. أول ما تلقى إن الصفوف ناقصاك -
وسع مكانك… للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية
شكر خاص لأحمد العايدى

gueessam:

انا بفضل ديما للآخر ديما فجيمات الكنكان والشايب وفكشف الحاضر والغايب وفحجز شقق مصيف بلطيم انا اخر تايب فصحابي واخرهم فالصلاة والتسليم وفدور المدرسة فالتطعيم … وفوقت السين انا اخر جيم انا جرح قديم كان متغطي… اكمني مشتي ولابس كوم سبيت للدنيا بستين ام… وسبتلها ميت ملة ودين ولحد متميت ست سنين انا كنت بحب البني آدمين … وكرهت الناس من بعديها عشان نسوني انا اصلا مين مش فاكر امتى حقيقي بدأت انما فيه فترة فاكرها طشاش كان فنجان قهوتي مبيفضاش وبكلم ربنا طول الوقت عمري مصدقت بنات غير ريم … يمكن دلوقتي مصدقهاش اخر مرة شوفتها فيها كانت تقريبا بتعزل … كان فيه سواق تاكسي منزل شنط ناس هتحل مكانها ووشوش بني ادميين معرفهاش انا ريم يمكن كانت أدي … ايامها لكن دلوقت اصغر عارفة ان انا يوميا بكبر… وبعجز اكمني مبنساش انا فاكر ايام بالمللي … انا فاكر ايام بالتفصيل انا فاكر ايام دفنت اختي … حتى تصدقي اكتر مفكرها وسعات بنسى فليلة كبيرها انا فاكر شقة قصر النيل … مش فاكر حد من السكان من صغري عمري مبنسى مكان انا اصلا فاكر بيت شادي مع اني مزرتوش غير مرة بامارة فيه برواز برة جواه صورته فاعدادي كان لسه ساعتها طالعلو شنب وانا حاسس اني طلعلي اتب من تقل الشيلة ومالتفكير معلش انا اسف برغي كتير وبسف فوقتك وفوقتي انا نفسي انام .. انا عايز اروح دلوقتي متشكر جدا عالجلسة … هنكمل امتى علاج طيب؟ لازم هنشوف بعد قريب